TEARFUL TRIBUTE PAID TO REJI CHERIAN, LEADER OF THE FEDERATION OF THE MALAYALI ASSOCIATION OF AMERICA. അമേരിക്കൻ മലയാളികളുടെ നിറസാന്നിധ്യമായിരുന്ന റജി ചെറിയാൻ അന്തരിച്ചു
TEARFUL TRIBUTE PAID TO REJI
CHERIAN, LEADER OF THE FEDERATION OF THE MALAYALI ASSOCIATION OF AMERICA.
അമേരിക്കൻ മലയാളികളുടെ നിറസാന്നിധ്യമായിരുന്ന റജി ചെറിയാൻ അന്തരിച്ചു
അമേരിക്കയിലെ
മലയാളി സംഘടനയായ ഫോമയുടെ (ഫെഡറേഷൻ ഓഫ് മലയാളി അസോസിയേഷൻസ് ഓഫ് അമേരിക്ക )
സമുന്നത നേതാവ് റെജി ചെറിയാന്‍ അറ്റലാന്റയിൽ നിര്യാതനായി. ഫോമ റിജിയണല്‍
വൈസ് പ്രസിഡന്റ് ആയിരുന്നു. അറ്റലാന്റാ മെട്രോ മലയാളി അസോസിയേഷന്‍ അമ്മയുടെ
സ്ഥാപ നേതാക്കളിൽ പ്രമുഖൻ.ഓർത്തോഡോക്സ് യുവജന പ്രസ്ഥാനത്തിലൂടെയും,
ബാലജനസഖ്യത്തിലൂടെയും സാംസ്‌കാരിക പ്രവര്‍ത്തനത്തിലേക്ക് കടന്നുവന്ന റജി
ചെറിയാൻ കേരളാ കോണ്‍ഗ്രസിന്റെ വിദ്യാര്‍ത്ഥി സംഘടനാ പ്രസ്ഥാനമായ കെ. ഐസ്.
സിയിലൂടെ രാഷ്ട്രീയ രംഗത്ത് പ്രവര്‍ത്തനം തുടങ്ങി. 1990 -ല്‍ അമേരിക്കയിൽ
എത്തുകയും, പിന്നീട് ന്യുയോർക്ക് വെസ്റ്റ് ചെസ്റ്റര്‍ മലയാളി അസോസിയേഷന്‍,
അറ്റലാന്റാ കേരളാ കള്‍ച്ചറല്‍ അസ്സോസ്സിയേഷന്‍, ഗാമാ അസോസിയേഷന്‍, ഗാമയുടെ
വൈസ് പ്രസിഡന്റ്, അറ്റലാന്റാ മെട്രോ മലയാളി അസോസിയേഷന്‍ എന്നീ സംഘടനകളില്‍
മെമ്പര്‍ ആയും പ്രസിഡന്റായും പ്രവര്‍ത്തിച്ചിട്ടുണ്ട്.
അമേരിക്കന്‍
മലയാളികള്‍ക്കായി നിലവാരം പുലര്‍ത്തുന്ന നിരവധി സ്റ്റേജ് ഷോകള്‍
കൊണ്ടുവരികയും അതില്‍ നിന്നും ലഭിക്കുന്ന ലാഭം കേരളത്തിൽ ചാരിറ്റി
പ്രവര്‍വത്തനങ്ങള്‍ക്കു ഉപയോഗിക്കുകയും ചെയ്തു. ഫ്‌ളോറിഡയിലും,
ടെക്‌സസിലുംപ്രകൃതി ദുരന്തത്തില്‍ പെട്ട കുടുംബങ്ങളെ സഹായിക്കുവാനുള്ള
പ്രവര്‍ത്തനങ്ങള്‍ ഭംഗിയായി കോ ഓര്‍ഡിനേറ്റ്
ചെയ്ത് വിജയിപ്പിക്കുന്നതില്‍ വലിയ പങ്കാണ് റെജി ചെറിയാന്‍ വഹിച്ചത്. 2003
മുതല്‍ റിയല്‍ എസ്റ്റേറ്റ് രംഗത്തു സജീവമായി പ്രവർത്തിച്ചു വരികയായിരുന്നു
.. പുത്തൻകാവ് സ്വദേശിയായ ആനി ചെറിയാൻ ആണ് സഹധർമ്മിണി, ലീന ചെറിയാൻ, അലൻ
ചെറിയാൻ എന്നിവരാണ് മക്കള്‍. സംസ്കാരം പിന്നീട് അറ്റലാൻറ്റയിൽ നടക്കും.
കോഴഞ്ചേരി തേവർവേലിൽ വലിയവീട്ടിൽ പരേതരായ വി. സി ചെറിയന്റെയും ലില്ലി
ചെറിയന്റെയും മകനാണ് ലാലു എന്ന് വിളിക്കപ്പെടുന്ന റജി ചെറിയാൻ.
ബാത്ത് ടബ്ബിൽ തെന്നിവീണ് തലയിടിച്ച് ചോര വാർന്നാണ് അദ്ദേഹം
മരിച്ചത് .റെജി ചെറിയാന്റെ നിര്യാണത്തില്‍ ഫോമ ഷിക്കാഗോ റീജിയന്‍
എക്‌സിക്യൂട്ടീവ് കമ്മിറ്റി അനുശോചനം രേഖപ്പെടുത്തി.ചുരുങ്ങിയ കാലംകൊണ്ട്
ഫോമയുടെ പ്രാദേശിക നേതൃത്വത്തില്‍ എത്തുകയും തന്റേതായ വ്യക്തിവൈഭവത്തില്‍
ഒട്ടനവധി പ്രവര്‍ത്തനങ്ങള്‍ക്ക് നേതൃത്വം നല്‍കുകയും ചെയ്ത റെജി ചെറിയാന്റെ
നിര്യാണം നികത്താനാവാത്ത നഷ്ടമാണെന്നു ഫോമ ഷിക്കാഗോ റീജിയന്‍ വൈസ്
പ്രസിഡന്റ് ബിജി ഫിലിപ്പ്പറഞ്ഞു .സാമൂഹ്യ സാംസ്ക്കാരിക പ്രവർത്തകനായ റെജി
ചെറിയാന്റെ അകാല വേർപാടിൽ കൊട്ടാരക്കര
കുരാക്കാർ എഡ്യൂക്കേഷൻ സെന്ററിൽ കൂടിയ കേരളകാവ്യ
കല സാഹിതിയും കുരാക്കാർ സാംസ്ക്കാരിക
വേദിയും അനുശോചിക്കുകയും അദ്ദേഹത്തിന്
കണ്ണീരിൽ കുതിർന്ന ആദരാഞ്ജലികൾ അർപ്പിക്കുകയും ചെയ്തു .
പ്രൊഫ്. ജോൺ കുരാക്കാർ
Comments
Post a Comment