പ്രൊഫ്. ജോൺ കുരാക്കാർ -ബയോ ഡേറ്റ
പ്രൊഫ്. ജോൺ കുരാക്കാർ -ബയോ ഡേറ്റ
പ്രൊഫസർ, എഴുത്തുകാരൻ , ജീവകാരുണ്യ പ്ര വർത്തകൻ , പ്രഭാഷകൻ , തിരക്കഥാ കൃത്ത് ,സംഘാടകൻ എന്നീ നിലകളിൽ അറിയപ്പെടുന്ന വ്യക്തിയാണ് പ്രൊഫ്, ജോൺ കുരാക്കാർ . കുരാക്കാരൻ വലിയവീട്ടിൽ കുടുംബയോഗത്തിന്റെ ആധൂനിക ശില്പിയായി അദ്ദേഹം അറിയപ്പെടുന്നു. കേരള കാവ്യ കലാസാഹിതി , കേരള പാലിയേറ്റിവ് കെയർ ഇനിഷ്യേറ്റിവ് ഐപ്പള്ളൂർ ഏദൻ നഗർ അസോസിയേഷൻ , ഗാന്ധീയ നവ ശക്തി സംഘം , എന്നീ പ്രസ്ഥാനങ്ങളുടെ സ്ഥാപക പ്രസിഡന്റ് ആണ് ." ഉണരൂ വേഗം നീ , ദർപ്പണം , തമോഗർത്തം , ഗുഡ് മോർണിംഗ് ഡോക്ടർ , വിവാഹ കമ്പോളം ,പണിമുടക്ക് , ചീട്ടു കൊട്ടാരം ,ചില്ലുമേട തുടങ്ങി 15 ലഘു ചിത്രങ്ങൾക്ക് കഥയും തിരക്കഥയും രചിച്ചിട്ടുണ്ട് . ഗുഡ് മോർണിംഗ് ഡോക്ടർ , പിന്നിട്ട വഴികൾ ഉൾപ്പെടെ 13 കൃതികൾ രചിച്ചിട്ടുണ്ട് . വസന്തം വളരെയകലെ , അജ്ഞാത തീരം തേടി , ഉപന്യാസ മഞ്ജരി ,ഭാഷാ ശോധിനി , ഭാഷാ ദീപം ,കേരള ക്രൈസ്തവരുടെ ചരിത്രം , വയോജനങ്ങളും പാലിയേറ്റിവ് പ്രസ്ഥാനവും എന്നിവ അദ്ദേഹത്തിന്റെ പ്രധാന കൃതികളാണ് . ഗുഡ് മോർണിംഗ് ഡോക്ടർ എന്ന അദ്ദേഹത്തിന്റെ ആത്മകഥക്കു ഇംഗ്ലീഷ് പരിഭാഷയും പ്രസിദ്ധീകരിച്ചിട്ടുണ്ട് .
കോളേജ് ടീച്ചേഴ്സ് ജേർണൽ ലിന്റെ സ്ഥാപക എഡിറ്റർ പ്രൊഫ്. കുരാക്കാർ ആയിരുന്നു . കേരള ശാസ്ത്ര സാഹിത്യ പരിഷത്തിൻറെ സജീവ പ്രവർത്തകനായിരുന്നു . ശാസ്ത്ര കേരളം , ഗ്രാമ ശാസ്ത്രം ,ശാസ്ത്രഗതി എന്നിവയുടെ എഡിറ്റോറിയൽ ബോർഡിൽ പ്രവർത്തിച്ചിരുന്നു . ശാസ്ത്ര പരിഷത്തിൻറെ സംസ്ഥാന വിദ്യാഭ്യാസ കൺവീനറായി പ്രവർത്തിച്ചിരുന്നു . മികച്ച പ്രോഗ്രാം ഓഫീസർ , adult education , കണ്ടിന്യൂയിങ് എഡ്യൂക്കേഷൻ , പോപുലേഷൻ എഡ്യൂക്കേഷൻ തുടങ്ങിയവയുടെ മികച്ച പ്രൊജക്റ്റ് ഓഫീസർക്കുള്ള കേരള യൂണിവേഴ്സിറ്റി അവാർഡ് 1981 മുതൽ തുടർച്ചയായി 5 വർഷം പ്രൊഫ് കുരാക്കാർ കരസ്ഥമാക്കി .,യു ആർ ഐ ഗ്ലോബൽ അവാർഡ് , ഗാന്ധിഭവൻ അവാർഡ് , ദേശ രത്നം അവാർഡ് , ഗുരുപ്രിയ വിശ്വശാന്തി അവാർഡ് , കലാ സാഹിതി അവാർഡ് , തുടങ്ങി 25 ലധികം പുരസ്‌ക്കാരങ്ങൾ ലഭിച്ചിട്ടുണ്ട് . പ്രൊഫ ,മോളി കുരാക്കാർ സഹധർമ്മിണി യാണ് , ഡോക്ടർ മഞ്ജു കുരാക്കാർ , എസ് .ബി ഐ സിസ്റ്റം മാനേജർ മനു കുരാക്കാർ എന്നിവർ മക്കളാണ് , ജെസ് മേരി കുര്യൻ , മെറിൻ മേരി കുര്യൻ , അയറാ മേരി കുരാക്കാർ എന്നിവർ കൊച്ചു മക്കളാണ്
കെ ,കെ ജോയി
Comments
Post a Comment